- Icelandic Todmobile - Úlfur (CD+DVD) - CD - Nordic Store Icelandic Wool Sweaters

Todmobile - Úlfur (CD+DVD)

Regular price $27.99 Sale

Todmobile sendir frá sér sína áttundu hljóðversplötu með nýju efni. Platan heitir Úlfur en titillagið naut töluverðra vinsælda fyrr á árinu. Á Úlfi verða 12 ný lög. Þar á meðal lögin Systir og Æðislegt en það síðarnefnda má heyra í útvarpi um þessar mundir.
Það er ansi gestkvæmt á plötunni og gestirnir ekki af verri endanum. Gítarleikari Genesis, Steve Hackett, spilar í tveimur laganna auk þess að semja annað þeirra með Þorvaldi Bjarna. Jon Anderson, fyrrum söngvari YES syngur að auki eitt lag sem hann samdi einnig í félagi við Þorvald Bjarna auk þess sem hann á annan texta á plötunni. Með Úlfi fylgir DVD diskur með upptöku frá tónleikum Todmobile og Jon Anderson í Eldborg í nóvember sl. Þar er að finna rúmlega klukkustundar langan hluta af tónleikunum sem þóttu einkar glæsilegir.